Публикации » Сĕт комплексĕ çĕкленет

11 февраля 2012 г.

Пĕлтĕр çулла «Путь Ильича» агрофирмăра çĕнĕ технологипе ĕçлекен сĕт комплексне тăвассипе ĕçсем пуçланчĕç. Иртнĕ кунсенче район администрацийĕн пуçлăхĕ Р. Тимофеев строительство ĕçĕсемпе паллашма вырăна çитсе курчĕ. Ростислав Николаевич агрофирма ертÿçипе О. Дельманпа тĕл пулчĕ, паянхи пурнăç ыйтакан сĕт комплексĕнчи строительство ĕçĕсем епле пынипе паллашрĕ.

Районшăн çак объект пысăк пĕлтерĕшлĕ пулнине палăртмалла. Пурăна киле кунта 1000 пуç ĕне пулмалла. Строительство ĕçĕсен хăвăртлăхне кура çу кунĕсем çитнĕ çĕре комплексăн пĕрремĕш пайĕ – 500 пуçлăх ĕне сарайĕ тата 1000 ĕне сумалли зал – хута каймалла. Çак вăхăта кунта ĕçлекенсем кирлĕ пулаççĕ. Вĕсем валли общежити хатĕр. Агрофирма хуçи ĕçлекенсен ĕç укçи те пĕчĕк пулмасса шантарать.