25 января 2012 г.
«Оринино» хуçалăх парнисемшĕн иртнĕ ăмăрту кăçалхипе 16-мĕш пулчĕ. Иртнĕ шăмат кун Орининри вăтам шкулти спортзала 9 команда пухăннă. Вĕсен шутĕнче – Шупашкарти троллейбус управленийĕнчен те. Куракансем хушшинче республикăн патшалăх тĕп инспекторĕ В. Димитриев, район администрацийĕн пуçлăхĕн тивĕçĕсене пурнăçлакан В. Калинин, районти волейбол федерацийĕн ертÿçи В. Вязов тата ыттисем те пулнă.
Шашкăлла вылякансем хушшинче командăпа мала кил хуçисем тухнă, шахмат вăййинче те чи пултаруллисем вĕсемех пулнă.
Волейболла выляса вара Шупашкартан килнĕ хăнасем çĕнтернĕ. Иккĕмĕш вырăна «Оринино» хуçалăхăн команди, виççĕмĕш вырăна «Передовик» тухнă.
Пĕтĕмĕшле итогсем тăрăх кубок Орининсенчех юлнă.
Хамăр инф.