Публикации » Çĕнĕ оборудовани пысăк пулăшу кÿрĕ

18 января 2012 г.

Чире сиплесси ăна хăш тапхăрта тупса палăртнинчен нумай килет. Апла пулсан вăхăтра тата тĕрĕс диагностика лартасси çынпа хăйĕнпе тата сиплев учрежденийĕнче çĕнĕ йышши оборудовани пулнипе çыхăннă.

Çакна шута илсе ĕнтĕ Муркашри тĕп больница май пур таран хальхи вăхăта тивĕçтерекен оборудовани туянма тăрăшать. Акă кăçал пациентсен ыйтăвĕсене тивĕçтерессинче фибробронхоскоп аппарачĕпе туллин усă курма май пур. Кунсăр пуçне кĕске самантрах юн анализне тума май паракан ятарлă аппарат та пысăк пулăшу парĕ. Больницăран пĕлтернĕ тăрăх малашне маммографи тĕрĕслевĕсем ирттерме те пуçлаççĕ: ятарлă оборудовани илсе килнĕ, ăна вырнаçтарнă.

Н. Николаева.