07 декабря 2011 г.
Лицеистсем грант выляса илнĕ
Вырăс ăсчахĕ М. Ломоносов çуралнăранпа 300 çул çитнине кăçал анлăн паллă тăваççĕ. Акă ноябрĕн 20-мĕшĕнче «Великие сыны России – Михаил Ломоносов» республика конкурсĕн финалĕ те питĕ хĕрÿ иртрĕ. 160 ытла çамрăк хутшăнчĕ унта. Вĕсем хушшинче – Муркашри лицеистсем те.
Вĕсем хăйсен наукăпа тĕпчев ĕçне «Альманах «За все благодарим» проекта хывнă. Унта паллă ăсчахăн пурнăçĕпе ĕçне тишкернĕ. С.И. Рожкова вĕрентекен ертсе пынипе Марина Дубова, Мария Игнатьева тата Никита Рожков хатĕрлесе хÿтĕленĕ проект 2-мĕш вырăна, унпа пĕрлех 3 пин тенкĕ гранта тивĕçнĕ.