Публикации » Уяв – çĕнĕ залра

16 ноября 2011 г.

Уяв – çĕнĕ залра

Иртнĕ кунсенче «Солнышко» ача садне çÿрекен ачасем те кĕр ĕçĕсем вĕçленнине юрă-ташăпа уявларĕç. Кăçалхи уяв тин çеç юсаса çĕнетнĕ капăр музыка залĕнче савăнăçлăн кĕрлерĕ. Юсав ĕçĕсене вара ачасен ашшĕ-амăшĕ пулăшнипе пурнăçлама май килчĕ. Ачасем те, кунта ĕçлекенсем те уншăн питĕ савăнаççĕ, ашшĕ-амăшне чун-чĕререн тав тăваççĕ. Кĕрхи уявра вара илемлĕ залсăр пуçне ачасене Кĕр Патши, пахча Катемпийĕ, Вăрман мучипе ытти чĕр чунсем килсе савăнтарчĕç. Икĕ-виçĕ çулхисем юрласа ташланисĕр пуçне вăйăсем те вылярĕç. «Кам чи малтан пахча çимĕç пуçтарать» ятлă ăмăртура шăпăрлансем вăй хурсах тăрăшрĕç. Ашшĕ-амăшĕсем вĕсене пĕчĕкренех ĕçе хăнăхтарни курăнчĕ çакăнта. Е.П. Любимова йĕркелесе пынă уяв ачасене килĕшрĕ. Халĕ вĕсем Хĕл Мучипе тĕл пулма хатĕрленеççĕ.

С. Гусева,

воспитатель.