19 октября 2011 г.
Паттăрсен кубокĕ Муркашсенче
Октябрĕн 15-мĕшĕнче «Сывлăх» ФСК-ра ишес енĕпе шкул ачисен уçă ăмăртăвĕ иртнĕ. Паттăрсен кубокĕшĕн пурĕ 8 команда вăй виçнĕ. Ăмăрту уçă пулнăран унта Етĕрне районĕнчи шкул ачисем те хутшăннă.
Хутăш эстафетăра ирĕклĕ майпа ишсе Муркашри вăтам шкулта вĕренекенсене çитекенни пулман. Кÿршĕсем иккĕмĕш вырăна тухма пултарнă, виççĕмĕш вырăнта – Нискассинчи вăтам шкул команди.
Çĕнтерÿçĕсене Социализмла Ĕç Геройĕ Ольга Федорова тата Н.П. Целюнов уйрăм предприниматель саламланă. Сăмах май Николай Петрович ФСК-на тăтăш çÿрекенсенчен пĕри.
Хамăр инф.