15 октября 2011 г.
Çул-йĕр тăвасси чарăнмасть
Районĕпе илсен 2011 çулхи январĕн 1-мĕшĕ тĕлне пурте усă куракан автоçулсем 390,745 километрпа танлашаççĕ. Вăл шутран 94,145 километр республика пĕлтерĕшлисем, 296,6 километр вырăнти пĕлтерĕшлисем. 349,115 километр çулсем (пĕтĕм çулсен 89,3 проценчĕ) – асфальт сарнисем. Çак çулсем çинче 13 кĕпер вырнаçнă, вĕсен тăршшĕ 508,4 метр.
2011 çул валли палăртнă республика инвестици программипе тата Чăваш Республикин «Чăваш Республикин 2011 çулхи тата 2012 çулхипе 2013 çулхи планланă тапхăр валли палăртнă республика бюджечĕ çинчен» Указĕпе килĕшÿллĕн районăн çул-йĕр хуçалăхĕ валли 2011 çулта 54282,2 пин тенкĕ уйăраççĕ. Вăл шутран вырăнти бюджетран – 9955,8 пин тенкĕ.
2011 çулхи сакăр уйăхра 24722,9 пин тенкĕпе усă курнă (çулталăк лимичĕн 46 проценчĕ):
– автомобиль çулĕсем тума тата реконструкцилеме – 3703,4 пин тенкĕпе;
– çулсене юсама – 1939,5 пин тенкĕпе;
– çулсене тытса тăма – 19080 пин тенкĕпе.
«Волга»–Мулкачкасси–Оринин çул тăвас ĕçсем пыраççĕ. Унăн смета хакĕ – 19176,46 пин тенкĕ. Ĕçсен 34 процентне пурнăçланă.