12 октября 2011 г.
Грипп чирне хирĕç
Республикăна грипп чирне хирĕç кĕрешме 140 пин доза «Гриппол» вакцина килнĕ.
Инфекци чирне асăрхаттарас тĕллевпе çак вакцинăпа аслисене çеç мар, 6 уйăхран аслăрах ачасене те прививка тума юрать. Прививка тунă хыççăн тепĕр 8–10 кунран организмра грипп чирĕнчен хÿтĕлекен вăй аталанса çитет, вăл 12 уйăха яхăн пырать.
Муркаш районне 4686 доза вакцина илсе килнĕ. Вакцинаци пуçланчĕ. Апла прививка тума васкăр. Вăл – чире хирĕç кĕрешмелли чи хăватлă мел.
Н. Николаева.