08 октября 2011 г.
Кĕркуннехи каникулта – лагере
Октябрĕн 10-мĕшĕнчен тытăнса район администрацийĕн вĕрентÿ, çамрăксен политики тата физкультурăпа спорт пайĕ кĕркуннехи каникул вăхăтĕнче ачасене хула тулашĕнчи лагерьсене канма ярас текенсенчен путевка туянма заявленисем йышăнма пуçлать. Пĕтĕмпе пирĕн район валли 82 путевка уйăрса панă. Каникул вăхăтĕнче ачасем лагерьте 7 кун канаççĕ.
Ашшĕ-амăшĕн путевка хакĕн 10 проценчĕ чухлĕ çеç тÿлеме тивĕ (малтанласа путевка хакне 3090 тенкĕ тесе палăртнине шута илсен – 300 тенкĕ ытларах çеç), ытти 90 процентне ĕçе пурнăçлакан орган тÿлет. Хальлĕхе вара лагерьсене суйласа илессипе конкурс пырать.
Путевка туянма заявлени çырнă чухне ашшĕ-амăшĕн е ачан саккунлă представителĕн çак документсене пĕрле илмелле: ашшĕ-амăшĕн паспорчĕ, ачан çурални çинчен калакан хутăн копийĕ, вĕрентÿ учрежденийĕнчен – ача унта вĕреннине çирĕплетекен справка.
Тĕплĕнрех 62-0-92 номерпе шăнкăравласа пĕлме пултаратăр.
Н. аНДРЕева.