08 октября 2011 г.
Октябрĕн 6-мĕшĕнче район администрацийĕн ларусен залĕнче депутатсен районти Пухăвĕн черетсĕр вуннăмĕш ларăвĕ иртрĕ. Унăн ĕçне депутатсен районти Пухăвĕн депутачĕсем, район администрацийĕн ответлă ĕçченĕсем, ЧР Патшалăх Канашĕн Председателĕн çумĕ В.П. Мидуков, ЧР Патшалăх Канашĕн депутачĕ В.Г. Данилов тата ыттисем хутшăнчĕç.
Лару савăнăçлă самантран пуçланчĕ. Малтанах район администрацийĕн пуçлăхĕ Ю.А. Иванов 6 çамрăк çемьене патшалăх пулăшăвĕ шучĕпе хăйсен çурт-йĕр условийĕсене лайăхлатма 592 пин тенкĕ укçана тивĕçнине çирĕплетекен свидетельствăсем пачĕ.
Депутатсем сÿтсе явма кун йĕркине çак ыйтусене кĕртрĕç:
– ЧР Муркаш районĕнчи Мăн Сĕнтĕр ял тăрăхĕн хăш-пĕр полномочийĕсене илесси çинчен;
– ЧР Муркаш районĕнчи Муркаш ял тăрăхĕн хăш-пĕр полномочийĕсене илесси çинчен;
– ЧР Муркаш районĕнчи Москакасси ял тăрăхĕн хăш-пĕр полномочийĕсене илесси çинчен;
– Депутатсен ЧР Муркаш район Пухăвĕн 2010 çулхи С-3Ÿ2 " «Муркаш районĕн 2011 çулхи район бюджечĕ çинчен» йышăнăвне улшăнусем кĕртесси çинчен;
– Вырăнти самоуправлени органĕсемпе тĕрĕслевпе надзор органĕсем килĕштерсе ĕçлессин ыйтăвĕсем çинчен;
– Наградăлама тăратасси çинчен.
Депутатсем ларура сÿтсе явнă ыйтусемпе тивĕçлĕ йышăнусем турĕç.
Хамăр инф.