21 сентября 2011 г.
Спортпа пресса фестивалĕнче
Сентябрĕн 17-мĕшĕнче Шупашкарти «Олимпийский» стадионта «Советская Чувашия» хаçат парнисене çĕнсе илессишĕн эстафета кăçалхипе 73-мĕш хут иртрĕ. Унта икĕ пин ытла çын хутшăнни паллă.
Пирĕн районти пилĕк команда çак ăмăртура вăй виçрĕ: район администрацийĕн, ветерансен, Калайкассинчи вăтам, Шетмĕпуçĕнчи тĕп шкулсен тата «Çĕнтерÿ ялавĕ» райхаçат редакцийĕн командисем. Пурте финиша япăх мар результатсемпе çитме пултарчĕç.
Район пуçлăхĕ И.В. Николаев та эстафетăна хутшăнчĕ. Республика Президенчĕ М. Игнатьев ертсе пыракан VIP чупура хăйне тĕрĕслерĕ, тĕслĕх кăтартрĕ.
Н. Николаева.