17 сентября 2011 г.
Пултаруллисене стипенди кĕтет
Чăваш Республикин Президенчĕн йышăнăвĕпе килĕшÿллĕн пултарулăхпа уйрăмах палăрса тăракан çамрăксемпе студентсене – 14 çул тултарнисенчен пуçласа 30 çулчченхисене – ятарлă стипенди парса чысласси ырă йăлара.
Çак стипендие илес текенсем хушшинче вĕренÿре ăнăçлă ĕлкĕрсе пыракансем, бизнес-проект хатĕрлессипе, наука, пултарулăх, производство, ертсе пырас ĕç енĕпе çитĕнÿ тăвакансем пулма пултараççĕ.
Пирĕн район та хастар çамрăксемсĕр мар. Çавăнпа та октябрĕн 1-мĕшĕччен пур предприятисемпе организацисен, учрежденисен тата тĕрлĕ органсен хăйсен коллективĕсенчен президент стипендине тивĕçме пултаракан çамрăксен кандидатурăсене тăратма май пур. Çакна валли ятарлă документсем хатĕрлемелле. Кун пирки тĕплĕнрех район администрацийĕн вĕрентÿ, çамрăксен политики тата физкультурăпа спорт пайĕнче пĕлме пултаратăр.
Н. Николаева.