17 сентября 2011 г.
Врачсене – пĕрер миллион
Яллă вырăнсенче ĕçлес текен çамрăк врачсене пĕрер миллион тенкĕ памалла. Кун пирки РФ премьер-министрĕ В. Путин пĕлтернĕ.
Путин сăмахĕ тăрăх çак укçана тивĕçме çамрăк врачăн пĕр услови çеç йышăнмалла – ялти больницăра 5 çултан сахал мар ĕçлемелле. Тивĕçнĕ укçа-тенкĕне вара медицина ĕçченĕсем пурăнмалли çурт-йĕр условийĕсене лайăхлатма е йăлари ыйтусене татса пама усă курма пултараççĕ.
Малтанласа палăртнă тăрăх ялти врачсене пулăшу кÿрекен программăна 2012 çулхи январĕнче пурнăçа кĕртме пуçласшăн. Хальлĕхе программа миçе çуллăха тăсăлассине пĕлтермен, вăл пĕр çул хыççăн паллă пулассине калаççĕ.
Хамăр инф.