Публикации » Ĕç тупма пулăшаççĕ

17 сентября 2011 г.

Ĕç тупма пулăшаççĕ

Сентябрĕн 14-мĕшĕнче районта хăйсен ачисене 3 çулччен пăхса пурăнакан отпускри тата 2011 çулта ĕçе тухма хатĕрленекен амăшĕсене вĕрентессине йĕркеленĕ. Вĕренĕве ĕç паракансемпе ĕç хутшăнăвĕсенче тăракансемпе «АСБУ 1С: 8.2 Предприяти» специальноçпе ирттереççĕ. Ĕç паракансен заявкисене шута илсе районти ĕçпе тивĕçтерекен центр хĕрарăмсене професси тĕлĕшĕнчен хатĕрлессине йĕркеленĕ.

Вĕренÿ тапхăрĕнче курссене çÿрекенсем асăннă специальноçпе теори тата практика хăнăхăвĕсене илеççĕ. Вĕрентÿ ĕçне Чăваш Енри ĕçпе тивĕçтерекен патшалăх службин «Аспект» вĕрентÿпе методика центрĕ» хушма професси вĕрентĕвĕн автономи учрежденийĕн преподавателĕсем ирттереççĕ. Вĕренÿ тапхăрĕ пĕр уйăх çурăна пырать. Вĕреннĕшĕн тÿлемелле мар. Ĕçпе тивĕçтерекен центр вĕренекенсене стипенди тÿлет тата çул укçи тăкакĕсене саплаштарать.