10 сентября 2011 г.
Патшалăх пулăшăвĕпе усă курса
Хăйсен хушма хуçалăхне тытса пыракансене патшалăх пулăшăвĕпе тивĕçтересси Чăваш Республикинче япăх мар пулса пырать. Пирĕн район çыннисем те «Агропромышленность комплексне аталантарасси çинчен» наци проектне пурнăçа кĕртсе пынă май çăмăллатнă условисемпе кредитсем сахал мар илеççĕ, хăйсен хушма хуçалăхне аталантараççĕ.
Кăçалхи январь–август уйăхĕсенче районĕпе пĕтĕмпе çăмăллатнă мелпе 72 миллион та 408 пин тенкĕлĕх 439 кредит панă. Акционерсен «Россельхозбанк» уçă обществи 34981 пин тенкĕлĕх 206 кредитпа, акционерсен «Раççей Перекет банкĕ» уçă обществи 37427 пин тенкĕлĕх 233 кредитпа тивĕçтернĕ.
Кредит илессипе Катькас, Муркаш, Ярапайкасси ял тăрăхĕсене палăртмалла. Çулталăк пуçланнăранпа ку ял тăрăхĕсенче çăмăллатнă кредит илекенсем 40–47 çын пулнă.
«Агропромышленность комплексне аталантарасси çинчен» наци проектне пурнăçа кĕртме тытăннăранпа вара районĕпе 3490 çынна 549,5 миллион тенкĕлĕх кредитпа тивĕçтернĕ. Хамăр инф.