10 сентября 2011 г.
Вырма вĕçленет
Районти пĕрлешÿллĕ хуçалăхсемпе хресчен (фермер) хуçалăхĕсем илемлĕ çанталăк условийĕсемпе туллин усă курса йĕпе-сапа пуçланиччен йывăрлăхсене пăхмасăрах хирти тырă-пулăна кĕлете кĕртсе хурассипе тăрăшса ĕçлерĕç. Ĕнерхи кун тĕлне районти тĕрлĕ харпăрлăх формиллĕ 18 хуçалăхра вырма ĕçĕсене вĕçленĕ. Ытти хуçалăхсенче те вырма ĕçĕсем юлашки гектарсем çине куçнă. Хиртен пурĕ 35265 тонна тырă кĕнĕ. Гектар пуçне тивекен вăтам тухăç 24,9 центнер. Чи пысăк тухăç хальлĕхе Суворов яч. хис. хуçалăхра (29,1 центнер), «Бездна» чикĕллĕ яваплăхлă обществăра (30,0 центнер), С. Сретинскийăн хресчен (фермер) хуçалăхĕнче (31 центнер), «Ударник» хуçалăхра (31,7 центнер), Ильич яч. хис. хуçалăхра (34,9 центнер).