31 августа 2011 г.
Республикăра малтисем
Çак кунсенче шкулсем çумĕнчи лагерьсенче воспитани ĕçне епле йĕркеленине палăртассипе ирттерекен республикăри конкурс итогĕсене пĕтĕмлетнĕ. Конкурса республикăри 18 районпа хулари вĕрентÿ учрежденийĕсенчен шкулсем çумĕнчи лагерьсен профиль сменин 43 программине тăратнă. Ытларах кунта комплекслă программăсем пулнă. Кунпа пĕрлех вара хăшĕсем çарпа спорт, экологипе биологи, литературăпа пултарулăх, культурологи тата ытти енĕпе те программăсем хатĕрленĕ. Пĕтĕмĕшле баллсен шутне палăртнă чухне сĕннĕ программăна кăна мар, ăна мĕнле ĕçе кĕртме пултарнине те шута илнĕ.
Эксперт комиссийĕ çĕнтерÿçĕсемпе призерсене виçĕ номинацире палăртма йышăннă. Кусем вĕсем «Пришкольный лагерь, реализующий программу профильной смены на базе городского общеобразовательного учреждения», «Пришкольный лагерь, реализующий программу профильной смены на базе сельского общеобразовательного учреждения» тата «Пришкольный лагерь, реализующий программу профильной смены на базе учреждения дополнительного образования детей».
Юнкăри С.М. Михайлов ячĕллĕ пĕтĕ-мĕшле пĕлÿ паракан вăтам шкул, чи нумай, 756,2 балл пухса, «Пришкольный лагерь, реализующий программу профильной смены на базе сельского общеобразовательного учреждения» номинацире пĕрремĕш вырăн çĕнсе илме пултарнă. Танлаштарма: иккĕмĕш вырăна тухнă Элĕк районĕнчи Шуркасси Юнтапа шкулĕн – 409,5 балл.
Хамăр инф.