17 августа 2011 г.
Электронлă мелпе
Патшалăхăн «Единый портал государственных и муниципальных услуг» информаци системи ĕçлеме пуçланăранпа вăхăт нумаях та иртмерĕ. Ĕçе электронлă мелпе йĕркелени халăха усă курма питĕ меллĕ.
Йыхрав документне пĕрлехи портал пулăшăвĕпе тума пулать. Çапла вара миграци службине икĕ хут каяс вырăнне пĕрре кăна çитмелле. Хатĕр документа палăртнă вăхăтра черет кĕтсе тăмасăр илме пулать.
Раççей Федерацине килме ют çĕр-шыв çыннисен е гражданство çуккисен йыхрав илме заявка тăратма малашне патшалăх услугисен пĕрлехи порталĕпе усă курма май пур. Ăна валли «личный кабинет» урлă ятарлă формăпа сайта ходатайство, çавăн пекех паспорт (йыхрав кам ячĕпе пулать, çавăн паспорчĕ) копине тăратмалла. Эсир тăратнă заявление йышăнни е йышăнманни пирки сирĕн пата уведомлени килет. Саккунпа килĕшÿллĕн йыхрава вăтăр кун (заявка тăратнă кунран шутлаççĕ) хушшинче çыраççĕ.
Заявка хатĕр пулнине сире электронлă майпа пĕлтерĕç. Кам ячĕпе йыхрав çыраççĕ, çавăн хăйĕн миграци службине пымалла. Çумра тĕп документсен оригиналĕсем, патшалăх пошлинине тÿленĕ квитанци пулмалла.
Л. Плечова,
Федераллă миграци службин
районти территори пункчĕн
пуçлăхĕ.