10 августа 2011 г.
39 комбайн тырă вырать
Район уй-хирĕсенче вырма ĕçĕсем малалла пыраççĕ. Район администрацийĕн ял хуçалăх пайĕнчен пĕлтернĕ тăрăх августăн 9-мĕшĕ тĕлне тĕш тырă культурисене 3041 гектар çинче (20 процент) çулнă тата вырнă.
Кĕрхи тулă 2499 гектар (65 процент), ыраш 499 гектар (32 процент) вырса çапнă. Ильич яч. хис., «Свобода» пĕрлешÿллĕ хуçалăхсенче, В.В. Горбунов тата А.И. Толстов хресчен (фермер) хуçалăхĕсенче урпа вырма пуçăннă.
Пĕтĕмпе 8620 тонна тырă çапса тĕшĕленĕ. Районĕпе вăтам тухăç гектар пуçне 28,3 центнерпа танлашать. Е. Андреев яч. хис., Ильич яч. хис., Суворов яч. хис., «Ударник», Чапаев яч. хис., Чкалов яч. хис. хуçалăхсенче кашни гектар вăтамран 30 центнер е ытларах та тухăç парать.
Улăма 1547 гектар çинчен (вырса çапнин 51 проценчĕ) пухса тирпейленĕ. «Моргаушская» чăх-чĕп фабрикинче, Ильич яч. хис., «Оринино», Чкалов яч. хис. хуçалăхсенче, В.В. Бархаткинăн хресчен (фермер) хуçалăхĕнче çак ĕçе аван йĕркеленĕ.
«Восток», Ильич яч. хис. хуçалăхсенче çĕртме сухи тума тытăннă.
Хирте ĕнер 39 комбайн ĕçленĕ.
Обществăлла выльăх-чĕрлĕх валли апат хатĕрлес ĕçсем те пыраççĕ. Е. Андреев яч. хис., «Восток», Ильич яч. хис., «Оринино», «Свобода», Суворов яч. хис. хуçалăхсенче нумай çул ÿсекен курăксене иккĕмĕш хут çулассине йĕркеленĕ. Районĕпе нумай çул ÿсекен курăксен кайăвне 325 гектар (6 процент) çулнă. Пĕр çул ÿсекен курăксене 1124 гектар (63 процент) çулса илнĕ.
Утă 7802 тонна (142 процент), сенаж 10665 тонна (162 процент), силос 16183 тонна (87 процент), витаминлă курăк çăнăхĕ 50 тонна хатĕрлеме ĕлкĕрнĕ.
Кĕрхи культурăсем акма 2921 тонна (44 процент) çĕр хатĕрленĕ.