03 августа 2011 г.
«Вĕренÿ çинчен» саккун проектне сÿтсе явма
Çĕнĕ вĕренÿ çулĕ пуçланиччен педагогсен йăлана кĕнĕ конференцийĕсем иртеççĕ: августăн 23-мĕшĕнче – республика конференцийĕ, районта вара – августăн 26-мĕшĕнче.
Раççей Федерацийĕн Вĕренÿ министерстви сĕннипе унта кăçал «Вĕренÿ çинчен» федераллă саккун проектне сÿтсе яваççĕ. Çапла вара конференцисенчи калаçу Чăваш Республикинчи вĕренÿ тытăмне çĕнетсе аталантарма право тĕлĕшпе условисем туса парасси тавра пулĕ.
Чăваш Республикин Вĕренÿ тата çамрăксен политикин министерстви районсемпе хуласенче конференцисем ирттерес умĕн форумра çак ыйтăва сÿтсе явма сĕннĕ: шкулчченхи вĕренÿ уçă (доступность) пулма «Вĕренÿ çинчен» çĕнĕ саккунпа патшалăх енчен мĕнле гарантисем пăхса хумалла;
Çак ыйту педагогсене кăна мар, ашшĕ-амăшне те пырса тивет. Çавăнпа та хаçат страницисенче ăна сÿтсе явма йыхравлатпăр. Форума Чăваш Республикин Вĕренÿ тата çамрăксен политикин министерствин сайчĕ çинче те хутшăнма май пур. Н. Николаева.