27 июля 2011 г.
Пурнăç çĕнĕлĕх шырама хистет
Пĕчĕк тата вăтам предпринимательство ĕçĕ районта анлăлансах пырать. Харпăр хăй ĕçне уçса çĕнĕ çул-йĕр шыракансене патшалăх та аякка тĕксе хăвармасть, вĕсем валли тĕрлĕ пулăшу уйăрать. Районти предпринимательсен ĕçĕпе тĕплĕнрех паллаштарма эпĕ район администрацийĕн экономика пайĕн ертÿçинчен Э.И.Симаковăран ыйтрăм, акă мĕн пĕлтерчĕ вăл:
– Районта уйрăм предпринимательсен хисепĕ 821 танлашать. Пĕчĕк тата вăтам предприятисен хисепĕ 135. Çак предприятисенче 2860 çын вăй хурать е çакă район экономикинче тăрăшакансен 34 проценчĕ пулатьĕ Предпринимательсем халăха тĕрлĕ услугăпа тивĕçтереççĕ.
Иртнĕ çул çак пĕчĕк бизнес субъекчĕсем пĕтĕмпе 242,9 миллион тенкĕлĕх тĕрлĕ ĕç пурнăçланăĕ Çакă вăл районта туса илнĕ пĕтĕмĕшле продукцин 25, проценчĕпе танлашатьĕ Кăçалхи пĕрремĕш çур çулта вара 118, миллион тенкĕлĕх пулнăĕ
Ку сферăра ĕçлекенсен вăтам ĕç укçи калăпăшĕ 7250 тенкĕпе танлашатьĕ Çакна ведомствăсем хушшинчи оперативлă комисси тĕрĕслесе тăрать.
Харпăр хăй ĕçне пуçлас текенсем валли патшалăх тĕрлĕ грант уйăратьĕ Иртнĕ çул пĕчĕк бизнесăн 9 представителĕ республика тата федераллă бюджетсенчен 1800,0 пин тенкĕлĕх грант çĕнсе илчĕĕ Пĕрремĕш çур çулта конкурса вара 6 представитель хутшăнма пултарчĕ, унăн пĕтĕмлетĕвĕ каярах паллă пулĕ.
Бизнес ĕçне йĕркелесе ярасси çăмăл марĔ çавна май 2008 çулта районта информаципе тата консультаципе тивĕçтерекен бизнес-инкубатор хăй ĕçне пуçларĕĕ Предпринимательство ĕçне пуçăнас текенсем унта тивĕçлĕ пулăшу илме пултараççĕĕ Иртнĕ çул пĕчĕк предпринимательствăн 122 представителĕ унăн пулăшăвĕпе усă курма пултарчĕ.
Йывăр вăхăт пулсан та пĕчĕк тата вăтам бизнес сферинче 2010 çулта çĕнĕрен 13 суту-илÿ точки уçăлнăĔ ĕçлес текенсем валли 27 ĕç вырăнĕ тупăннă. Вĕсенчи инвестици тÿпи 8,850 миллион тенкĕпе танлашрĕ. Пĕрремĕш çур çулта 4 предприяти хута кайрĕ, 6 хушма ĕç вырăнĕ пулчĕĕ
Иртнĕ çул ваккăн тавар сутасси 667,0 миллион тенкĕлĕхĔ пĕрремĕш çур çулта 359,6 миллион тенкĕлĕх пулнă. Пĕтĕмĕшле тавар çаврăнăшри пĕчĕк бизнес тÿпи 18 процентпа танлашать.
Муниципаллă заказсене пурнăçласси япăх мар пулса пырать, иртнĕ çулхи кăтарту пĕчĕк бизнесра вăй хуракансен тÿпи 24, 3 миллион тенкĕпе танлашать е çакă пĕтĕмĕшле калăпăшăн 36 проценчĕ пулатьĕ
Алкоголь продукцине сутма районта 33 предприяти ятарлă лицензи илнĕ, вĕсенчен 31-шĕ – пĕчĕк тата вăтам предпринимательство субъекчĕĕ 164 лавккара унпа суту-илÿ тăваççĕ, 41 предприяти пĕчĕк бизнес сферине кĕретĕ Раççей Президенчĕ вара малашне ку енĕпе çирĕп саккун вăя кĕртме палăртрĕ, çавна май 23 сехетрен пуçласа ирхи 8 сехетчен эрех-сăра продукцине сутма ирĕк çук.
Пĕчĕк предпринимательствăра тăрăшакансем тăтăшах район тата ун тулашĕнче иртекен тĕрлĕ конкурссене хутшăнаççĕ. Республикăри халăх ыйтăвне алăри чĕрĕ укçасăр тивĕçтерессипе йĕркеленĕ конкурсра Муркашри «Универмаг» чикĕллĕ яваплăхлă общество 3 вырăн йышăнчĕ. Çавăн пекех ытти çĕнтерÿçĕсене те ырăпа палăртас килет.
Яллă вырăнсенче туризм ĕç-хĕлне вăя кĕртессипе те анлăрах ĕçлеме пуçларăмăрĕ Акă иккĕмĕш çул ĕнтĕ район «Çулталăкри чи лайăх инвестици проекчĕ» конкурса хутшăннă май 1 вырăна тивĕçетĕ Малашне те ку енĕпе çине тăрсах ĕçлĕпĕр.
Эпĕ вара уйрăмах çамрăк çынсене предпринимательство ĕçне пикенме сĕнесшĕн. Паллах çакă çăмăл ĕç мар, çапах та хăвăр пултарулăха çĕнĕ ĕçре тĕрĕслеме тăрăшмалла. Енчен те ку ĕç самантрах вăй илме пултараймарĕ пулсан ÿкĕнме кирлĕ мар, çак енĕпе ĕçлекенпе, пирĕн пай ĕçченĕсемпе канашлăр.
Р. ИЛЛАРИОНОВА
ыйтнă.