27 июля 2011 г.
Влаç органĕсен порталĕ çинче чăвашла çĕнĕ сайт уçăлчĕ
Ĕнер Чăваш Республикин влаç органĕсен порталĕ çинче чăвашла çĕнĕ сайт уçăлчĕ. Унта Чăваш Ен пурнăçĕпе унăн аталанăвĕ, Чăваш Республикин Президенчĕн, пĕтĕмĕшле правительство ĕçĕ-хĕлĕпе тĕплĕн паллашма май пур. Сайтра эсир чăваш халăхĕн историне, культурине, йăли-йĕркине тата ытти пултарулăхне тупма пултаратăр. Çавăн пекех сайтра тĕрлĕ йышши разделсем пур. Калăпăр, хыпарсем, хаçатра пичетленнĕ материалсем. Паянхи кун тĕлне сайтра Чăваш Республикин Президенчĕн М.В. Игнатьевăн Чăваш Республикин Патшалăх Канашне янă «Çамрăксене шанмалла!» Çырăвĕ, Республика пуçлăхĕн интерактивлă кун кĕнеки, электронлă сăмахсар (словарь) баннерсем пур. Кашни баннера кирлĕ пек ятарлă материалсем кĕртме тăрăшнă.