28 мая 2011 г.
Муркаш каччи – иккĕмĕш
Совет Союзĕнче Серик Канакбаев казах боксерне нумайăшĕ пĕлнĕ. Вăл Мускаври Олимпиадăра кĕмĕл медаль çĕнсе илме пултарчĕ.
Нумаях пулмасть Казахстан Республикинчи Павлодар хулинче Серик Канакбаев парнисене çĕнсе илессишĕн Пĕтĕм тĕнчери турнир иртнĕ. Унта США, Куба, Сири, Греци, Венгри, Монголи, Киргизстан, Таджикистан, Узбекистан, Раççей спортсменĕсем хутшăннă. Пĕтĕмпе 170 боксер ринг çине тухнă.
Муркаш каччи Александр Никитин (52 кг виçере) çак турнирта ăнăçлă ăмăртса иккĕмĕш вырăн çĕнсе илнĕ. Вăл Монголипе Казахстанăн икĕ боксерне парăнтарнă.