28 мая 2011 г.
Нумай ачаллă çемьесене çĕр – тÿлевсĕр
Район администрацийĕн пуçлăхĕ апрелĕн 18-мĕшĕнче 352 " йышăнăва алă пуснă. Вăл нумай ачаллă çемьесене çĕр участокĕсем тÿлевсĕр майпа уйăрса парассипе çыхăннă. Унпа килĕшÿллĕн Муркаш районĕн муниципаллă харпăрлăхĕнчи çĕр участокĕсене нумай ачаллă çемьесене харпăрлăха тÿлевсĕр майпа çакăн чухлĕ таран уйăрса пама пултараççĕ:
– харпăр хăйĕн пурăнмалли çуртне тума – 0,12 гектар;
– дача строительстви валли – 0,10 гектар;
– харпăр хăйĕн хушма хуçалăхĕ валли – 0,20 гектар.
Муркаш ял тăрăхĕн территорийĕнче вырнаçнă çĕр участокĕсене çак виçерен ытла мар уйăраççĕ:
– харпăр хăйĕн пурăнмалли çуртне тума – 0,06 гектар;
– дача строительстви валли – 0,06 гектар;
– харпăр хăйĕн хушма хуçалăхĕ валли – 0,12 гектар.