23 июля 2011 г.
Раççей ăмăртăвĕ – Чăваш çĕрĕ çинче
Июлĕн 21-мĕшĕнче Шупашкарти «Олимпийский» стадионта Раççейри çăмăл атлетика чемпионачĕ уçăлчĕ. Çĕр-шыври чи пĕлтерĕшлĕ ăмăртăва 66 регионти тата Узбекистанри 800 ытла спортсмен килсе çитнĕ. Вĕсен йышĕнче тĕнче шайĕнче палăрнисем те, пысăк спортра малтанхи утăмсене тăвакансем те пур.
Ăмăртура Чăваш енĕн чи хастар 26 спортсменĕ те старта тухать.
Августра Корея çĕр-шывĕнче иртекен тĕнче чемпионатне хăш спортсменсем хутшăнасси шăпах Раççей чемпионатĕнчи кăтартусенчен килет. Чăваш спортсменĕсем те Раççейĕн пĕрлештернĕ командине кĕме пултарасса шанатпăр.