20 июля 2011 г.
Европа чемпионатĕнче – кĕмĕл медаль
Европăри çамрăксен хăвăрт утас енĕпе иртнĕ чемпионатне хутшăннă Нина Охотникова кĕмĕл медаль çĕнсе илнĕ. Ăмăртăвăн тăваттăмĕш кунĕнче, июлĕн 17-мĕшĕнче, Раççей командишĕн старта тухнă Муркаш хĕрĕ Мордови спортсменкине çеç мала ирттернĕ. Финиша çитичченех Нинăна Испани спортсменки хăваланă. Анчах та пирĕн ентешĕн тÿсĕмлĕхĕпе вăй-халĕ ытларах пулнă.
Раççейĕн пĕрлештернĕ командин тренерĕ А. Мельников хĕрсем «пиллĕклĕх» утса тухнине пĕлтернĕ.
Хамăр инф.