09 июля 2011 г.
Юратупа шанчăклăха упранăшăн
Юнкă ял тăрăхĕнче пурăнакан Нина Ивановнăпа Виталий Васильевич Аргандеевсем. Вĕсем çемье çавăрнăранпа 60 çул иртрĕ ĕнтĕ. Иккĕшĕ те ĕç ĕмĕрне «Новая Юнга» колхозра ирттернĕ, «Ĕç ветеранĕ» ята тивĕçнĕ. Мăшăр виçĕ ача пăхса ÿстерсе пурнăç çулĕ çине тăратнă. Халĕ Нина Ивановнăпа Виталий Васильевич мăнукĕсемпе тата кĕçĕн мăнукĕсемпе киленсе пурăнаççĕ.
Çак хисеплĕ мăшăра ĕнер, уяв кунĕнче, депутатсен районти Пухăвĕн черетлĕ саккăрмĕш ларăвĕнче, «Юратупа шанчăклăхшăн» медальпе чысларĕç.
Ку медале пирĕн районтан тата икĕ çемье тивĕçнĕ: Чуманкасси ял тăрăхĕнчи Людмила Михайловнăпа Эрнст Андреевич Волковсем тата Муркаш ял тăрăхĕнчи Анастасия Ефимовнăпа Алексей Капитонович Капитоновсем.
Н. Николаева.