26 марта 2011 г.
Ăратлă выльăх вăрлăхĕшĕн
Хаçатăн иртнĕ номерĕнче ĕнесене киле пырсах пĕтĕлентерни пирки тата çак çула суйлакансем 70 процент патшалăх пулăшăвĕпе усă курма пултарни пирки çырнăччĕ. Питĕ лайăх, анчах çак пулăшу пурнăçланă ĕçшĕн е;..
Москакассинче пурăнакансем.
Ыйту çине Чăваш Республикин ял хуçалăх министерствин финанспа кредит политикин пайĕн Муркаш районĕпе ĕçлекен тĕп специалист-эксперчĕ О. МАКАРОВА хуравлать:
– Хаçат вулакансем çĕнĕлĕхсемпе паллашсах тăни савăнтарать. Чăнах та иртнĕ кунсенче районти выльăх чирĕсемпе кĕрешекен станци йĕркеленипе ятарлă специалист киле тухсах ĕнесене пĕтĕлентересси çул илчĕ. Кунта хаçат вулакансене пĕчĕк ăнлантару туса парас тетĕп. 70 процент пулăшу вăл ăратлă выльăх вăрлăхĕшĕн çеç. Ĕнене пĕрре пĕтĕлентерме 2 доза вăрлăхпа усă кураççĕ пулсан пĕр дозин хакĕ 105 тенкĕ. Çапла вара икĕ доза 210 тенкĕ тăрать. Унăн 70 проценчĕ – 147 тенкĕ. Çав укçана сире перекет кĕнеки çине куçарса парĕç.