23 марта 2011 г.
Ăмăртусем хастар иртрĕç
Мартăн 18-мĕшĕнче Каршлăхри вăрçăпа ĕç ветеранĕсен интернат çуртĕнче пурăнакансем республикăри социаллă пулăшу паракан патшалăх учрежденийĕсем хушшинчи ăмăртусене хутшăнчĕç. Ăмăртусем йĕлтĕрпе чупассипе, мечĕк перессипе, городки енĕпе тата волейболла выляссипе пулчĕç, çулланнă çынсемпе инвалидсен «Вега» социаллă сиплевĕн республикăри патшалăх учрежденийĕнче иртрĕç.
Ăмăртусене республикăри патшалăх учрежденийĕсен 12 команди хутшăнчĕ. Йĕлтĕрпе чупассипе арçынсем 1300, хĕрарăмсем 1000 километрлă дистанцисенче вăй виçрĕç. Ку ăмăртусенче Каршлăхри вăрçăпа ĕç ветеранĕсен интернат çуртĕнче пурăнакансен команди пĕтĕмĕшле 2-мĕш вырăн çĕнсе илме пултарчĕ, Хисеп грамотине тивĕçрĕ. Кунсăр пуçне уйрăм енсемпе те призлă вырăнсем пулчĕç.
В. КРЮЧКОВА,
Каршлăхри вăрçăпа ĕç
ветеранĕсен интернат
çурчĕн социаллă
ĕçсен специалисчĕ.