23 марта 2011 г.
Штамп – Интернет урлă
Пурнăç калама çук хăвăрт улшăнса пырать. Иртнĕ кунсенче эпĕ паспортри штампа та Интернетпа усă курса килтен тухмасăрах лартма май пуррине илтрĕм. Тĕрĕс-и çакă;
Е. МАСТЕРОВА.
Вулакан ыйтăвĕпе эпир федераллă миграци службин районти территори пункчĕн пуçлăхне Зоя Михайловна СОРОКИНĂНА паллаштартăмăр. Унăн хуравĕ ансат пулчĕ:
– Çĕнĕлĕхсем вăй илсе пыни паспортпа виза службине те вырăнта лартмасть. Паян регистраци тĕлĕшпе паспорт çине штамп лартассине чăнах та Интернет урлă та пурнăçлама пулать. Анчах та пурăнмалли пÿлĕм уйрăм çын харпăрлăхĕнче пулсан федераллă миграци службин районти территори пунктне кил хуçин ирĕкĕ кирлĕ. Енчен те эсир çĕнĕ çурт е хваттер туянтăр çеç пулсан сире пропискăна тăратмалли ирĕк куçман пурлăхăн патшалăх регистраци свидетельстви шутланать.