Публикации » Артист пулас килет-и?

23 марта 2011 г.

Артист пулас килет-и?

Чăваш Республикин культура, наци ĕçĕсен, информаци политикин тата архив ĕçĕсен министерстви 2011 çулхи июнь уйăхĕнче культурăпа искусствăсен Чăваш патшалăх институтĕнче яшсемпе хĕрсене «Актер пултарулăхĕ» специальноçпе пухассине йĕркелет. Пулас актерсен М. Сеспель ячĕллĕ Чăваш патшалăх çамрăксен театрĕн ушкăнне пĕрлешмелле. Спектакльсене вĕсем икĕ чĕлхепе – чăвашла тата вырăсла выляççĕ. Хальхи вăхăтра театрăн художество ертÿçисем абитуриентсене актер пултарулăхĕ енĕпе тÿлевсĕр майпа экзаменсене хатĕрленессипе пулăшма пултараççĕ. Вĕренес текенсен хăйсен пултарулăх мелĕсене кăтартмалла пулать: юптару, сăвă вуламалла, вырăсла е чăвашла юрă юрламалла, ташламалла, палăртнă темăпа этюд кăтартмалла. Вĕренме кĕрес текенсен 52-30-69 телефонпа çыхăнмалла.