23 марта 2011 г.
Тăрăшуллисене патшалăх пулăшать
РФ Правительствин пуçлăхĕ В.В. Путин ял хуçалăх ыйтăвĕсемпе видеоконференци ирттернĕ.
Пирĕн республика ĕне выльăх йышне сыхласа хăварнă регионсен йышне кĕнĕ. Вĕсене валли федераци 5 млрд. тенкĕ укçа уйăрать. Çапла вара выльăх йышне чакарман пирĕн хуçалăхсем те Мускавран килекен хушма укçана тивĕçес шанчăк çуралать.
2010 çулхи шăрăха пула çĕр-шывра 13 млн. гектар çинче тухăç пĕтнĕ. Кĕрхи культурăсене те 20 процент сахалрах акса хăварнă. Пирĕн республикăра кăтарту унчченхи çулхи шайрах, кĕр тыррисен лаптăкĕ 119 пин гектар. Çурхисене 166 пин гектара, çĕр улми пуссисене 54 пин гектара çити ÿстерме палăртаççĕ.
В.В. Путин çуртрисен лаптăкĕсене ÿстерме тĕллев лартнă. Çĕр-шыв правительстви çакна валли 5,5 млрд. тенкĕ уйăрнă.