Публикации » Ăнăçлă ăмăртнă

19 марта 2011 г.

Ăнăçлă ăмăртнă

Мартăн 10-мĕшĕнче Çĕнĕ Шупашкар хулинче СССР чемпионкине С. Михеевăна халалласа йĕлтĕрçĕсен уçă ăмăртăвĕ иртрĕ. Унта районти ачасемпе çамрăксен спорт шкулĕн Ярапайкассинчи уйрăмĕнче ăсталăха туптакан спортсменсем те хутшăннă. Э.А. Гордеев тренерăн воспитанникĕсем тĕрлĕ ÿсĕмсенче ăмăртса хăйсене лайăх енчен кăтартнă. 3 çухрăмлă дистанцире Диана Чернова 1-мĕш, Светлана Соколова 2-мĕш вырăнсене çĕнсе илнĕ, 2 çухрăмлă дистанцире Марина Андреева финишра иккĕмĕш пулнă. Унччен маларах, мартăн 4–6-мĕшĕсенче, республикăри ачасемпе çамрăксен спорт шкулĕсен ăмăртăвне пирĕн районти спорт шкулĕн 43 воспитанникран тăракан команди те хутшăннă. Пĕтĕмĕшле кăтарту тăрăх команда 2-мĕш вырăнта. Уйрăм стартсенче Анастасия Костина (Ярапайкассинчи вăтам шкул) 3-мĕш, Анастасия Ксенофонтова (Калайкассинчи вăтам шкул) 2-мĕш, Светлана Соколова (Ярапайкассинчи вăтам шкул) 3-мĕш пулнă.