22 июня 2011 г.
Айсшток: Муркашсене килĕшет
Республика кунне халалласа айсшток енĕпе республикăри çуллахи иккĕмĕш уçă ăмăрту Муркашра шăмат кун иртрĕ. Пĕтĕмпе хальлĕхе пирĕншĕн çĕнĕ спорт тĕсне кăмăллакан 10 команда хутшăнчĕ унта. Ытларахăшĕ – Шупашкартан, иккĕшĕ – Муркашран. Мускав хулинчен килнĕ команда та хăйне Муркаш çĕрĕ çинче тĕрĕслерĕ.
Юниорсен тăватă командинчен чи пултарулли «ДПА» (Детская полицейская академия, Шупашкар хули) команда пулчĕ. Муркаш лицейĕнче вĕренекенсен команди – иккĕмĕш.
Аслисен вунă командинчен шăпах Мускавсем мала тухрĕç те: «Вырăс уписене» çитекенни пулмарĕ.
Куракансем те (паллах, çак вăйăпа интересленекенсем пухăннă) хăйсене айсштокра тĕрĕслесе пăхрĕç. Чи пултарулли Николай Скворцов пулчĕ. Хыççăнхи вырăнсене Геннадий Любимовпа тепĕр Николай Скворцов пайларĕç.