18 июня 2011 г.
Халăх йышĕ чакнă
Иртнĕ çулхи Пĕтĕм Раççейри халăх çыравĕ вăхăтĕнче Чăваш Республикинче вĕçĕм пурăнакан 1251,6 пин çынна, кунсăр пуçне чикĕ леш енче вĕçĕм пурăнакан, анчах та çырав вăхăтĕнче республика территорийĕнче вăхăтлăх пулнă 704 çынна шута илнĕ. Çынсен шучĕпе Чăваш Республики Раççейри ытти регионсем хушшинче 40-мĕш вырăн йышăнать. Республикăра çак вăхăта 1251,6 пин çын е 2002 çулхинчен 62,2 пин çын сахалрах пурăнать.
Муркаш районĕнче 2002 çулта 37127 çын пурăннă пулсан, 2010 çулхи çырав тĕлне 34885 çын пурăннă. Халăх йышĕ 2242 çын чухлĕ чакнă. Хĕрарăмсем пĕтĕмпе 18220, арçынсем 16665 çын. Процентпа шутласан хĕрарăмсем 52,2, арçынсем 47,8 процент.
З. ВИНОГРАДОВА,
Чăвашстатăн предприятисен
статистикин Муркаш
районĕнчи пайĕн
тĕп эксперт специалисчĕ.