08 июня 2011 г.
Çĕннипе паллашма – кÿршĕ Республикăна
Июнĕн 4-мĕшĕнче Муркаш районĕн делегацийĕ Тутар Республикинчи «Уй-хир кунне» хутшăннă. Делегаци шутĕнче район администрацийĕн пуçлăхĕн пĕрремĕш çумĕ, ял хуçалăх пайĕн пуçлăхĕ В.А. Калинин, «Свобода», Е. Андреев яч. хис., «Восток» хуçалăхсен ертÿçисем В.К. Ананьев, В.И. Семенов, М.Н. Шишокин, «Ударник» хуçалăхăн тĕп инженерĕ В.И. Степанов пулнă.
Ку мероприятие йĕркелекенĕ – акционерсен «Проминтел-Агро» хупă обществин компанийĕ. Вăл ял хуçалăх техники туса кăларассипе паллă вырăн йышăнать. Ытларах кунта çĕр хатĕрлемелли, выльăх апачĕ пухса кĕртмелли техникăна кăтартнă.