08 июня 2011 г.
Çĕнтерÿ çулĕпе тунă çитĕнÿ
Интернационалла çар тивĕçне пурнăçланисем – паянхи çамрăксемшĕн хăйне евĕр паттăрлăх тĕслĕхĕ. Ĕнерхи афганецсем паян та хăйсем пирки ыррине çеç калаçтараççĕ. Вĕсем туса ирттерекен ĕçсем çамрăксене Тăван çĕр-шыва, хамăр халăха, сывă пурнăç йĕркине ытларах юратма вĕрентеççĕ.
Çу уйăхĕн вĕçĕнче Кÿкеç поселокĕнчи «Улăп» спортпа сывлăх центрĕнче Афганистан вăрçин инваличĕсемпе вĕсен çемье членĕсен «ВоИн-спорт-2011» спартакиади иртрĕ. Кăçалхи ăмăртусене спартакиада йĕркелÿçисем Совет Çарĕсене Афганистан Республикинчен илсе тухнăранпа 22 çул тата Аслă Çĕнтерÿ 66 çул тултарнине халалланă.
Иккĕмĕш çул ирттерекен çак спартакиадăран Муркашсем те пăрăнса юлмарĕç. Пĕтĕмлетсе каласан 12 команда хушшинче пирĕннисем начар ăмăртмарĕç. Муркашри афганецсем волейболла выляса 2-мĕш вырăн, канат туртассипе 1-мĕш вырăн çĕнсе илме пултарчĕç. Кире пуканĕ çĕклессипе К. Петров 5-мĕш вырăн йышăнни те пĕрлештернĕ командăшăн пысăк тĕкĕ пулчĕ. Пирĕннисем шывра ишессипе те ыттисенчен кая юлмарĕç.
Тунă ÿсĕмсемшĕн хамăр интернационалист салтаксене саламлатпăр!
А. БЕЛОВ.