11 июня 2011 г.
Кубок Юнкăсенчех юлчĕ
Лоцмановсен кубокне çĕнсе илессишĕн июнĕн 3-мĕшĕнче иртнĕ футбол вăййисем кăçалхипе 6-мĕш пулчĕç. Ярапайкассинчи вăтам шкулăн стадионĕнче виçĕ команда çеç вăй виçрĕ пулин те болельщиксем вăйăсем интереслĕ, хĕрÿ, вăйлă пулнине палăртрĕç.
Юнкăри вăтам шкулта вĕренекенсен команди виççĕмĕш çул ĕнтĕ çĕнтерÿçĕ пулса тăчĕ, кубока алран вĕçертмерĕ. Вĕсене спорта явăçтаракан, футболпа интереслентерекен Владимир Витальевич Михайлова – уйрăм тав сăмахĕ.
Юнкăсене çĕнтерес тесе Йÿçкассисем юлашки минутченех тăрăшрĕç. Кил хуçи – Ярапайкассинчи вăтам шкул команди – виççĕмĕш пулчĕ.
Ăмăртăва йĕркелекен Лоцмановсем, вĕсемех спонсорсем, çĕнтерÿçĕсене дипомсем тата укçан парне парса хавхалантарчĕç. Уйрăм номинацисенче палăрнă чи лайăх вылякансене те парнесем тивĕçрĕç.
Н. Иванова.