30 апреля 2011 г.
Республикăра ырăпа палăрчĕç
Апрель уйăхĕн варринче Муркашри лицейра вĕренекен А. Степанов, Н. Утрейкин, А. Петрова, Н. Петрова (ертÿçи С.И. Рожкова) кадетсен Пĕтĕм Раççейри 4-мĕш пултарулăх фестивалĕн регион тапхăрне хутшăнчĕç. Кадетсем куçăмсăр тапхăра хутшăнма хăйсен проекчĕсене тăратнă пулнă. Проектсем интереслĕ пулнăран вĕренекенсене жюри куçăмлă тапхăра йыхравланă. Çĕнĕ Шупашкарти 10 " вăтам шкулта пирĕн кадетсем проектсене тивĕçлипе хÿтĕлесе çĕнтерÿçĕсем пулса тăчĕç. Хăйсен пĕлĕвне çÿллĕ шайра кăтартса савăнтарчĕç.
Апрелĕн 15-мĕшĕнче вара маларах асăннă кадетсем тата Т. Тимофеева, Н. Ефимова, М. Игнатьева, А. Ердукова вĕренекенсем студентсен наукăпа практика конференцине хутшăнса лайăх кăтартусемпе таврăнчĕç. Чăваш патшалăх университетĕнче иртнĕ конференцин «Ют çĕр-шывсен литератури» тата «Фольклор. 18–19 ĕмĕрсенчи литература» подсекцисенче палăрчĕç Муркаш лицеисчĕсем: 1-мĕш тата 2-мĕш вырăнсене тухма пултарчĕç.
Пирĕн лицеистсен малалла ăнтăласси, хавхалану нихăçан та ан иксĕлтĕр.
С. РОЖКОВА.