27 апреля 2011 г.
Ирĕклĕ майпа кĕрешсе
Апрелĕн 22-мĕшĕнче «Сывлăх» физкультурăпа спорт комплексĕнче районти шкул ачисем ирĕклĕ майпа кĕрешсе ăмăртрĕç. Кунта Чуманкассинчи, Москакассинчи тата Муркашри вăтам шкулсен командисем вăй виçрĕç.
Тĕрлĕ виçе категорийĕсенчи тытăçусенче мала тухнă çамрăк спортсменсене кашнинех ырăпа палăртмалла. Вĕсем: Чуманкассинчи вăтам шкулта вĕренекен Н. Семенов, П. Афанасьев, А. Афанасьев, В. Иванов, Е. Васильев; Москакассинчи вăтам шкулта вĕренекен К. Смирновпа Д. Иванов; Муркашри вăтам шкулта вĕренекен В. Михайлов.
Ăмăртăва хутшăннă кашни ачана, вĕсен тренерĕсене те малашне ăнăçусем сунатпăр.
А. ФЕДОРОВ,
ăмăртăвăн тĕп судйи.