05 марта 2011 г.
Черетлĕ тĕрĕслевре
Тĕрлĕ шайри сут-илÿ точкисенче наркотикпа усă курма юраман туртмалли ытти хутăшсем сутнине, сĕннине прокуратура тата ку енĕпе яваплă ытти ĕçченсем тăтăшах çирĕп тĕрĕслесе тăраççĕ. Çавна май усал йăла-йĕркене, тĕрлĕ хĕç-пăшал, сирпĕнекен хутăшсем сарăлассипе кĕрешме ятарлă ĕç планĕ хатĕрленĕ.
Февраль уйăхĕнче районта черетлĕ тĕрĕслев пулса иртрĕ, яваплă ĕçченсем çынсем йышлă пухăнакан вырăнсенче пулчĕç. Çавна май Муркаш пасарĕнчи, «Юг-АвтоВас» ООО тата «Никита» автостанцисенчи суту-илÿ точкисене тĕрĕслерĕç. Усă курма юраман веществосене пропагандăланă, наркотика тата пуçа минретекен ытти веществосене рекламăланă, вĕсене çул çитмен çамрăксене сĕннĕ фактсем тĕрĕслев вăхăтĕнче тĕл пулман.
Ю. СЕМЕНОВ,
прокурор çумĕ, юстици советникĕ.