02 марта 2011 г.
Февралĕн 26-мĕшĕнче Çĕмĕрле хулинче çамрăк армеецсен тата çарпа патриот клубĕсен республика фестивалĕ иртрĕ. Çак фестивальте пирĕн район чысне Чуманкассинчи вăтам шкулта йĕркеленнĕ Г. Алексеев ячĕллĕ çарпа патриот клубĕ хÿтĕлерĕ.
Ю.А. Артемьев вĕрентекен ертсе пынипе виçĕ пысăк тапхăртан тăракан конкурс блокĕсенче çамрăксем хăйсене лайăх енчен кăтартма пултарчĕç. Патриот юррисен конкурсĕнче Муркаш енĕн яшĕсемпе хĕрĕсем виççĕмĕш вырăна тухрĕç. Тĕрлĕ енлĕ спорт ăмăртăвĕнче те, интеллектуаллă конкурсра та иккĕмĕшсем пулчĕç. Çамрăк армеецсене саламлатпăр!
А. ВАСИЛЬЕВА.
Чуманкассинчи вăтам шкул.