Публикации » Уявра савăнтăмăр

02 марта 2011 г.

Çĕр-шыв хÿтĕлевçин кунне халалласа Мăн Токшик ялĕнче йĕлтĕрçĕсен ăмăртăвне йĕркелерĕç. Унта Турай ял тăрăхĕн пуçлăхĕ А.Н. Павлов хутшăнса пухăннисене саламларĕ. Ăмăртăва ертсе пыраканĕсем çак ялта çуралса ÿснĕ педагог ветеран В. Терентьев тата кунти клуб ертÿçи А. Федоров пулчĕç. Ăмăртура ял çамрăкĕсем хушшинче Алексей Березова çитекенни пулмарĕ. Аслă çулхи арçынсенчен районти шалти ĕçсен пайĕнче вăй хуракан Виталий Березов чи маттурри пулчĕ. Ачасем те старта йышлăн тухрĕç. Çĕнтерÿçĕ ятне чи вăйлисем – Владимир Кулаков, Кирилл Чермаков, Надежда Федорова тата Ирина Портнова – тивĕçрĕç. Уява хутшăннă йĕлтĕрçĕсемпе куракансем те кăмăллă юлчĕç.

Ю. ЕВСТАФЬЕВА.,

Тойкилтĕри тĕп шкул вĕрентекенĕ.