02 марта 2011 г.
Район администрацийĕн пуçлăхĕ Ю. Иванов нарăс уйăхĕн 21-мĕшĕнче «Районта 2010 çулта выльăх-чĕрлĕх отраслĕнче ĕçлекенсем хушшинче ирттернĕ экономика ăмăртăвĕн кăтартăвĕсем çинчен» йышăну çине алă пусрĕ. Çулталăк хушши выльăх-чĕрлĕх отраслĕнче тăрăшса вăй хунă ĕçченсемшĕн – кĕтнĕ самант. Çак кĕрешÿре кашниех çĕнтерме тăрăшрĕ пулсан та чыса чи хастаррисем кăна тивĕçрĕç.
1. 2010 çул кăтартăвĕсемпе экономика ăмăртăвĕнче çаксем çĕнтернĕ тесе шутлас тата вĕсене парнесем парас:
– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен «2010 çулхи чи лайăх сĕт ферми» вымпелпа 5 пин тенкĕ укçан парнене Суворов яч. хис. ял хуçалăх производство кооперативĕн Анаткассинчи сĕт фермине парас (ферма заведующийĕ Викентий Викентиевич Николаев). Ферма коллективĕ çулталăк хушшинче пĕтĕмпе 1161,1 тонна е пĕр ĕне пуçне вăтамран 5805 килограмм сĕт сунă;
– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен «2010 çулхи мăйракаллă шултра выльăхсен чи лайăх ферми» вымпелпа 5 пин тенкĕ укçан парнене ăратлă выльăх ĕрчетессипе специализациленекен «Свобода» ял хуçалăх производство кооперативĕ-заводăн Йÿтĕркассинчи мăйракаллă шултра выльăх фермине парас (комплекслă бригада заведующийĕ Григорий Геннадьевич Белов). Йÿтĕркассисем çулталăк хушшинче выльăхсене талăксерен вăтамран 972 грамм ÿт хуштарса пурĕ 25,3 тонна аш-какай туса илнĕ;
– Муркаш район администрацийĕпе агропромышленность комплексĕнче ĕçлекенсен профсоюз райкомĕ çирĕплетнĕ 1-мĕш степеньлĕ диплома тата куçса çÿрекен «2010 çулхи чи лайăх сысна ферми» вымпелпа 5 пин тенкĕ укçан парнене ăратлă выльăх ĕрчетессипе специализациленекен «Свобода» ял хуçалăх производство кооперативĕ-заводăн Кашмашри сысна фермине парас (ферма заведующийĕ Виталий Васильевич Никитин). Кашмашсем çулталăк хушшинче пурĕ 3717 пуç çура, кашни 100 тĕп сысна ами пуçне 1824 пуç çура илнĕ. Вĕсем сыснасене талăксерен вăтамран 352 грамм ÿт хуштарса аш туса илессине 100,6 тоннăна çитернĕ.
– Пĕр ĕне пуçне 5 пин килограмран пуçласа 6 пин килограмм таран сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 1200-шер тенкĕ укçан парнесем парас:
Суворов яч. хис.:
Филиппова Татьяна Николаевна 5647 кг
Орлова Надежда Николаевна 5443 кг
Иванова Галина Александровна 5280 кг
Михайлова Надежда Валентиновна 5236 кг
Печкова Валентина Николаевна 5071 кг
«Ударник»:
Васильева Лидия Ивановна 5361 кг
Хмелева Зоя Валериановна 5361 кг
Димитриева Валентина Алексеевна 5095 кг
Семенова Наталья Николаевна 5095 кг
Алексеева Лидия Петровна 5089 кг
Иванова Зоя Геннадьевна 5089 кг
– Пĕр ĕне пуçне 6 пин килограмран ирттерсе сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 1600-шер тенкĕ укçан парнесем парас:
Суворов яч. хис.:
Журавлева Надежда Евгеньевна 6702 кг
Антонова Фаина Юрьевна 6702 кг
Макарова Валентина Валерьяновна 6393 кг
«Ударник»:
Андреева Зоя Степановна 6732 кг
Михайлова Зоя Ивановна 6347 кг
– Пĕр ĕне пуçне 7 пин килограмран ирттерсе сĕт сунă çак дояркăсене Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕсемпе тата 2000-шер тенкĕ укçан парнесем парас:
«Ударник»
Трофимова Валентина Германовна 7022 кг
2. Ял хуçалăх производствинчи пысăк производство ÿсĕмĕсемшĕн çĕнтерÿçĕ ятне парса ятарлă хăюпа, Муркаш район администрацийĕпе агропромышленность комплексĕнче ĕçлекенсен профсоюз райкомĕн дипломĕпе тата 1000 тенкĕ укçан парнепе çаксене наградăлас:
2.1 Надежда Евгеньевна ЖУРАВЛЕВĂПА Фаина Юрьевна АНТОНОВĂНА – Суворов яч. хис. хуçалăхăн ĕнесене машинăпа сăвакан операторĕсене – «2010 çулта ĕнесене машинăпа сăвас ĕçри чи лайăх оператор» ят парас. Вĕсем хăйсен ушкăнĕнчи кашни ĕнерен пĕлтĕр 6702 кг сĕт сунă, 100 ĕне пуçне 100 пăру илнĕ, вĕсене 100 процент упраса хăварнă;
2.2 Фаина Николаевна МАКСИМОВĂНА – Суворов яч. хис. хуçалăхри техник-осеменатора çулталăкра 100 ĕне пуçне 92 пăру илнĕшĕн – «2010 çулхи чи лайăх техник-осеменатор» ят парас;
2.3 Олег Димитриевич МАКАРОВА – «Моргаушская» чăх-чĕп фабрики» уçă акционерлă обществăн тĕп зоотехникне – «2010 çулхи чи лайăх зоотехник» ят парас. Çак ята ăна чăх-чĕп отраслĕнче çĕнĕ технологисемпе малта пыракан опыта пурнăçа кĕртнĕшĕн, чăх-чĕп йышне 29 процент ÿстернĕшĕн, пĕр чăх пуçне çулталăкра 330 штук çăмарта илсе çулталăкри производствăна 58 миллион штука çитернĕшĕн памалла тунă;
2.4 Людмила Петровна ПЛАТОНОВĂНА – «Ударник» хуçалăхăн тĕп ветврачне, Йÿçкасси ветеринари участокĕн заведующине – «2010 çулхи районти чи лайăх ветеринари ĕçченĕ» ят парас. Çирĕплетнĕ хуçалăхри ветсанитари ĕçĕсене вăхăтра тата пахалăхлă туса пынăшăн;
2.5 Андриан Валерианович ПЕТРОВА – «Ударник» хуçалăхри Йÿçкассинчи сĕт фермин заведующине – «2010 çулхи чи лайăх ферма заведующийĕ» ят парас. Вăл выльăхсене апатлантарас тата пăхас çĕрте малта пыракан технологисемпе анлă усă курса пĕтĕмĕшле сĕт сăвассине 18,8 процент ÿстернĕ. Фермипе пĕр ĕне пуçне 4093 килограмм сĕт суса пĕтĕмĕшле кăтартăва 1234,9 тоннăна çитернĕ. Кунта самăртма тăратнă выльăхсем талăксерен вăтамран 660 грамм ÿт хушнă;
2.6 Людмила Ивановна СТЕПАНОВĂНА – «Ударник» хуçалăхри сысна пăхакан оператора – «2010 çулта сысна самăртассипе чи лайăх оператор» ят парас. Унăн сыснисем талăксерен вăтамран 559 грамм ÿт хушса хуçалăха 16,8 тонна аш туса панă;
2.7 Владислав Арефьевич ДЕДОВА – ăратлă выльăх ĕрчетессипе специализациленекен «Свобода» ял хуçалăх производство кооперативĕн мăйракаллă шултра выльăх самăртакан операторне – «2010 çулта мăйракаллă шултра выльăх самăртакан чи лайăх оператор» ят парас. Вăл пăхакан мăйракаллă шултра выльăхсем талăксерен вăтамран 972 грамм ÿт хушнă, хуçалăха 25,3 тонна аш туса панă;
2.8 Елена Владимировна ПУШКИНĂНА – «Восток» хуçалăхри пăру пăхакана – «2010 çулхи чи лайăх пăру пăхакан» ят парас. Вăл пăхакан пăрусем çулталăк хушшинче талăксерен 717 грамм ÿт хушса хуçалăха 18,2 тонна аш туса панă;
2.9. Галина Александровна ПЕТРОВĂНА – ăратлă выльăх ĕрчетессипе специализациленекен «Свобода» ял хуçалăх производство кооперативĕн сысна пăхаканне – «2010 çулта сысна çурисем илессин чи лайăх операторĕ» ят парас. Вăл çулталăк хушшинче çурасем илессине 68 процент ÿстернĕ, кашни тĕп сысна аминчен 22,7 çура илсе пĕтĕмĕшле кăтартăва 803 çурана çитерме пултарнă;
2.10. Роза Евгеньевна КРАСНОВĂНА – «Моргаушская» чăх-чĕп фабрики» уçă акционерлă обществăн чăх-чĕп пăхаканне – «2010 çулхи чи лайăх чăх-чĕп операторĕ» ят парас. 12 пин чăх пăхакан ĕçчен кашни чăхран 331 штук çăмарта илсе пĕтĕмĕшле кăтартăва 3,8 миллион штука çитернĕ.
3. Экономика ăмăртăвĕн условийĕсене пурнăçламаннипе «2010 çулхи чи лайăх утарçă» ят никама та парас мар.