28 апреля 2010 г.
2002 çулхи январĕн 25-мĕшĕнче йышăннă 8-ФЗ " «Пĕтĕм Раççейри халăх çыравĕ çинчен» Федераллă саккуна, Раççей Федерацийĕн Правительствин 2006 çулхи январĕн 11-мĕшĕнчи 7-р ", Чăваш Республикин Министрсен Кабинечĕн 2008 çулхи мартăн 7-мĕшĕнчи 53-р " хушăвĕсене тĕпе хурса, 2010 çулхи халăх çыравне хатĕрленессипе сахал мар ĕç туса ирттернĕ. Халăх çыравне йĕркеллĕ хатĕрленсе ирттересси пирки район администрацийĕн пуçлăхĕ «Пĕтĕм Раççейри халăх çыравне ирттерессипе Муркаш районĕн территорийĕнче туса ирттермелли хатĕрленÿ ĕçĕсем çинчен» йышăну кăларнă. Кун пек йышăнусене ял тăрăхĕсен пуçлăхĕсем те тунă, çырава хатĕрленсе йĕркеллĕ ирттерес енĕпе комиссисем йĕркеленĕ.
2009 çулхи декабрĕн 21-мĕшĕнче Муркаш районĕн территорийĕнче 2010 çулхи Пĕтĕм Раççейри халăх çыравне хатĕрленсе ирттерессипе ĕçлекен комиссин ларăвĕнче комиссин 2010 çулхи ĕç планне çирĕплетнĕ. Кунпа пĕрлех ку ларура çынсем хушшинче çырав ыйтăвĕсемпе туса ирттермелли информаципе ăнлантару ĕçĕсен планне те пăхса хунă.
Çитес çырава тĕплĕн хатĕрленсе ирттерес тĕллевпе районта вырăнти самоуправлени органĕсем хăйсен полномочийĕсене мĕнле пурнăçланă пирки, Пĕтĕм Раççейри халăх çыравне ирттерессишĕн ответлă пулса тăракан ял тăрăхĕсен пуçлăхĕсем, ĕç тăвакан федераллă органсен территори органĕсем хушшинче мониторинг ирттеретпĕр. Кăçалхи пĕрремĕш кварталта районта Пĕтĕм Раççейри халăх çыравĕн материалĕсемпе татах 34 стенд йĕркеленĕ. Паянхи куна халăх çыравĕн тематикипе йĕркеленĕ стендсем пĕтĕмпе 66. Вăл шутран пĕри патшалăх статистикин органĕнче, тепри – район администрацийĕнче, 14-шĕ – ял тăрăхĕсенче, 21-шĕ – библиотекăсенче, 29-шĕ – Культура çурчĕсенче.
Патшалăх статистикин федераллă службин Чăваш Республикинчи пайĕн 2010 çулхи февралĕн 26-мĕшĕнчи 07-03-83Ÿ86 п " «Адрес хуçалăхĕнче йĕрке тăвасси çинчен» çырăвĕпе килĕшÿллĕн районти ялсенче адрес хуçалăхĕ епле шайра пулнине тепĕр хут тĕрĕслесе тухнă. Тĕрĕслев 16 ял тăрăхĕн территорийĕнче те иртнĕ. Унта ял тăрăхĕсенче ĕçлекенсене те явăçтарнă. Тĕрĕслев итогĕсене пĕтĕмлетнĕ май туса çитереймен ĕçсене те палăртса хутăмăр. Пĕтĕмпе 3 ял тăрăхĕн территорийĕнче 158 çурт çинче номер çукки палăрчĕ. Вăл шутран Мăн Сĕнтĕр ял тăрăхĕн территорийĕнче – 28, Катькас ял тăрăхĕн территорийĕнче – 118, Ярапайкасси ял тăрăхĕн территорийĕнче – 12.
2010 çулхи апрелĕн 1-мĕшĕ тĕлне 2010 çулхи Пĕтĕм Раççейри халăх çыравне хутшăнакансен списокне туса çитернĕ. Йĕркелÿ планĕпе килĕшÿллĕн район территорийĕнче çырав участокĕсем 6 тата инструктор участокĕсем 23 йĕркеленĕ. Çырав тата инструктор участокĕсене ăçта вырнаçтарассин ыйтăвĕсене татса панă ĕнтĕ. Уйăрса панă пÿлĕмсем палăртнă нормăсене тивĕçтереççĕ.
З. ВИНОГРАДОВА,
Чăвашстатăн предприятисен статистикин Муркаш районĕнчи пайĕн тĕп эксперт специалисчĕ.