24 апреля 2010 г.
Апрелĕн 16-мĕшĕнче районти историпе краеведени музейĕнче Муркаш ял тăрăхĕнчи Аслă Отечественнăй вăрçă участникĕсемпе тата тыл ĕçченĕсемпе тĕл пулу иртнĕ. Малтанах «Çавра сĕтел» хушшинче калаçу иртнĕ. Унта Муркаш шкулĕнче вĕренекенсем те хутшăннă. Ветерансем умĕнче ял тăрăхĕн пуçлăхĕ Н.И. Никитин тухса калаçнă.
Хыççăн «Çавра сĕтеле» республика хăнисем те хутшăннă. Кусем вĕсем Чăваш Республикинчи «Чăваш Енри çамрăксен «Салам» культура центрĕ» обществăлла организацие йĕркелекенсем Светлана Яковлева тата Алексей Шадриков.
Сăн ÿкерчĕкре: ял тăрăхĕнчи ветерансем Н.Г. Алексеев, А.Г. Казаков тата А.К. Капитонов тĕл пулу вăхăтĕнче.