17 февраля 2010 г.
Февралĕн 12-мĕшĕнче Тĕп редактор кунĕ Муркашра иртрĕ. Унта республика тата район (хула) хаçачĕсен ертÿçисем хутшăнчĕç. Тĕп редактор кунне ЧР культура, национальноçсен ĕçĕсен, информаци политикин тата архив ĕçĕн министрĕн çумĕ А.Б. Усов уçрĕ тата ертсе пычĕ. Пухăннисене район пуçлăхĕ Ю.А. Иванов районăн экономикăпа социаллă аталанăвĕн иртнĕ çулхи итогĕсемпе паллаштарчĕ.
Учитель çулталăкĕнче информаципе тивĕçтересси, массăллă информаци хатĕрĕсенче ЧР Президенчĕ республика Патшалăх Канашне янă Çырăвĕнче хускатнă ыйтусене пурнăçа кĕртессине çутатасси, био- тата нанотехнологисене аталантарасси, пысăк технологисемпе усă курма тытăнасси, район тата хула хаçачĕсен сайчĕсене йĕркелесе пырасси, массăллă информаци хатĕрĕсен социаллă пĕлтерĕшлĕ проекчĕсен 2010 çулхи республика конкурсĕн итогĕсем, хаçат редакцийĕсенче çыру ĕçĕсене йĕркелесе пырасси пирки Чăваш Республикин Культура, Вĕрентÿ тата çамрăксен политикин министерствисен, Чăваш ял хуçалăх академийĕн тата республика патшалăх архивĕн ответлă ĕçченĕсем тухса калаçрĕç.
Тĕп редактор кунне хутшăнакансем çавăн пекех Муркашри «Сывлăх» физкультурăпа спорт комплексĕнче, районти краеведени музейĕнче, «Сеспель» хупă акционер обществинче пулса курса вĕсенчи ĕç-хĕлпе паллашрĕç.
В. ШАПОШНИКОВ.