05 декабря 2009 г.
Иртнĕ кунсенче Шупашкарта акватлон (чупасси тата шывра ишесси) енĕпе республика ăмăртăвĕ иртрĕ. Унта республикăри 10 командăпа пĕрлех пирĕн районти В.Д. Герасимов тренерăн воспитанникĕсем те хутшăннă.
1996 çулта çуралнисен тата кĕçĕнреххисен ÿсĕмĕнче ăмăртнă Марина Плечова кĕмĕл медале тивĕçнĕ. 500 метр дистанцие чупса тата 50 метр дистанцие ишсе вăл Çĕмĕрле хулинчи çамрăк спортсменкăна çеç выляса янă.
Çавăн пекех К. Никоновапа К. Авдеева та ăмăртура япăх мар результатсем кăтартнă. Ксения Никонова тĕнче класлă спорт мастерĕн, тĕнчери тата Европăри триатлон ăмăртăвĕсен кубокĕсене çĕнсе илнĕ С. Яковлевăн ятарлă парнине те тивĕçнĕ.
Хамăр инф.