12:10 02 июня 2017 г.
Чăваш Республики инвестици илĕртÿллĕхĕпе наци рейтингĕнче 85 регион хушшинче 2-мĕш вырăн йышăнни ăнсăртран мар. Пĕлтĕр 6-мĕш вырăна тухнăччĕ. Кун пирки паян Петербургри Пĕтĕм тĕнчери экономика форумĕнче пĕлтерчĕç. Республикăра инвестицисене явăçтарассипе куллен çине тăрса ĕçлеççĕ. Çак çитĕнÿ влаç органĕсемпе бизнес пĕрле килĕштерсе ĕçленипе пулнă.
Чăваш Республикин Пуçлăхĕ Михаил Игнатьев хăйĕн сăмахĕнче республика правительствин ĕçне пысăка хурса хакланăшăн тав тунă.
- Эпир бизнеспа тытакан çыхăнусене хаклатпăр. ВВПри кашни виççĕмĕш тенкĕ – пĕчĕк тата вăтам бизнес укçи-тенки,- палăртнă Михаил Васильевич.
Муркашсем ку хыпара ырласа йышăнчĕç. Ĕçлĕ çынсен шухăшĕсемпе паллашма сĕнетпĕр:
Альберт Иванов, генеральный директор ООО «Инттехс»:
- Безусловно, наша республика является одним из наиболее привлекательных регионов для инвестиций, особенно – в сельскохозяйственном производстве, в частности – в хмелеводстве. Есть огромный опыт производства этой культуры, имеются площади, отведенные под хмель, в том числе и оборудованные для этого. Кроме этого уже работает предприятие с новым оборудованием в Цивильске, с мощнейшей техникой для обработки хмеля, в республике разработаны новые сорта этой культуры.
Виталий Семенов, Е. Андреев ячĕпе хисепленекен хуçалăх ертÿçи:
- Юлашки икĕ-виçĕ çул хушшинче тырă вырмалли 2 комбайн, тĕрлĕ ял хуçалăх техники 7 туянтăмăр. Гараж туса лартрăмăр, 3 тырă склачĕ хута ятăмăр, çĕнĕ КЗС ĕçе кĕртрĕмĕр. Росагролизинг, Россельхозбанк пулăшăвĕпе усă куртăмăр.
Вунă çул каялла пирĕн хуçалăхра та лару-тăру начар пулнă. Налуксене тÿлеймен. Сухаламан çĕрсем çум айĕнче выртнă.
Ĕçлесен, çине тăрсан йывăрлăхсене çĕнтерме пулать. Акă, иртнĕ çул 2320 тонна тыр-пул пухса кĕртрĕмĕр. Тыр-пула ресурс перекетлемелли майпа туса илетпĕр. Тухăç та ÿсрĕ, тăкаксене те чакартăмăр.
Хамăр çине ытларах шанатпăр. Паян тухăçлă ĕçлеме майсем çителĕклĕ. Çитес çул техникăна малалла çĕнетĕпĕр. Тырă упрамалли тепĕр склад тăвăпăр.
Алина Афанасьева, хресчен (фермер) хуçалăх ертÿçи:
- Сысна ĕрчетессипе пирĕн çемье 24 çул ĕçлет. Малтан атте, Александр Аркадьевич, килти хушма хуçалăх йĕркелерĕ. Кайран «Пуçлакан фермер» программăпа 1,2 миллион тенкĕ гранта тивĕçрĕмĕр. Çакă пире çирĕппĕн ура çине тăма пулăшрĕ. Выльăх йышне 1000 пуçа çитеретпĕр. Тыр-пулне хамăр туса илетпĕр. Ĕçлес кăмăлсем пысăк.
АУ «Редакция Моргаушской районной газеты «Знамя победы» Мининформполитики Чувашии