Сире професси уявĕпе – Пĕтĕм тĕнчери медицина сестрисен кунĕ ячĕпе ăшшăн саламлатпăр!
Сывлăх – çыншăн чи хакли. Эсир, ăна пире упрама вĕрентетĕр, чирлĕ çынсене сывалма пулăшатăр. Мĕн чухлĕ тимлĕх, чăтăмлăх, сăпайлăх кирлĕ çакна валли. Эсир эмелпе кăна мар, çепĕç чĕлхĕрпе те сиплетĕр: кашнин валли ăшă сăмах тупăнать сирĕн, чуна йывăр вăхăтра лăплантарма пултаратăр, çынсене шанăç паратăр. Тавах сире çакăншăн.
Эсир малашне те çăмăл мар, анчах пархатарлă ĕçре ответлăха туйса ĕçлесе пырасса шансах тăратпăр. Ăшă кăмăл-туйăм пĕрре те ан иксĕлтĕр сирĕн.
Сире тата сирĕн çывăх çыннăрсене те çирĕп сывлăх, иксĕлми вăй-хăват, тулăх пурнăç, телей, ăнăçу сунатпăр!
Район пуçлăхĕ -депутатсен
районти Пухăвĕн председателĕ И.В Николаев.
Район администрацийĕн пуçлăхĕ Р.Н. Тимофеев.
Моргаушский район Чувашской Республики